الخميس، 4 ديسمبر 2008

آآآآآآآآآآآآآآآآآآآآآآآآآآآسف على التأخير

طبعا آسف على التأخير و لمدة ثلاث شهور و خمسه و اربعين قرش تقريبا بس اعذروني .. الواحد مننا لما بيتوه في دهليز الحياه ... بيخرج منه .. يلقى دهليز .. يمشي فيه شويه .. هايلاقي ف آخره باب .. يفتح الباب يلاقي دهليز .. ييجي يخرج منه يلاقي تاكسي واقف مستنيه .. يفتح باب التاكسي .. يلاقي دهليـ ... إحم .. آسف على الملل


مع كل الأفراح و الأحزان اللي الواحد شافها خلال الفتره دي أقدر أقول لكم حاجه واحده

كل عام و انتم بخير لقرب حلول العيد

كنت في رحله لمدة يومين في بورسعيد ( المدينه الباسله ) اللي لقيت بينها و بين يوتوبيا شبه حيث أن يوتوبيا ( المدينه الفاضله ) و من ( فاضله لباسله ) يا قلبي لا تحزن

قابلت هناك صديقين مش باقابلهم غير في المناسبات دي

الجميل شريف أمين ( جامعة القاهرة ) .. و المجرم عمرو حسن ( جامعة قناة السويس )

كان معايا من جامعة المنصورة فكري و ياسر و فرحات و رضوان و مصطفى

بس أهم شئ في الرحلة كان الاتنين أصدقائي شريف و عمرو

اتنين شعرا يجننوا بعد التعليق عليهم طبعا

يكفي إني اقول لهم بس شكرا للمكان و الزمان اللي بيجمعونا





شلة الفساد ( فرحات - ياسر - رضوان - مصطفى - فكري ) جامعة المنصورة

الزعيم الثورجي المناضل بلا فخر اللولبي

في ثياب و أسلحة الحرب

القتال أمام المعبد الوثني بيني و بين شريف أمين


الإتربي اللولبي في الطيران

بعد عقد السلام بيني و بين شريف بتدخل من محمد فكري ( إديني عقلك )

طبعا لا يخفى عليكم إني الطويل اللي فيهم و كنت باجرب نفسي ( في الصورة طبعا ) قدام شريف

ولا يخفى عليكم برضه إن عمرو مش موجود ف الصور .. ليه ؟؟؟؟؟

( عشان ده بس اللي وصلني من صور - عمرو استكبر يتصور جنبي - عمرو عنده مدونته و صوره عليها للي يحب يتفرج ) اختر مما بين الأقواس

إلى اللقاء قريبا و كل عام و أنتم بخير

هناك تعليقان (2):

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب
-----------------

قوس قزح يقول...

حمدلله على السلامة
هو محدش خطب غيرك ولا ايه ؟

كل دى غيبة ؟؟

جميلة حكاية المعسكر دى
ربنا يسعدك دايما و يبعد عنك الاحزان

و بلاش الغيبة دى تانى

و متنساش انت كده مدبس فى حل تاج الاحلام :)

تحياتى